socha to tha

socha to tha... ki chalunga sath tumhaare..
par sayad ye ho na payega..
tum is tarah ruth gayi ho mujhse..
ki bin tumhaare ab raha na jayega..
.
.
ye kya hua humare beech..
jo badh gayi hai dooriyan..
jo ho gaye kamjor hum..
majboot hui majburiyan..
.
.
sayad main bhool gaya hu..
ki main tumhaara ab hissa nahi..
ki rah gaya un-gaya geet...
koi mayoos kissa kahi...
.
.
ek akeli raat hai..
is raat ko kho jaane do..
chahe aakhri baar sahi..
tumse lipat kar ro jaane do..
.
.
ki chala jaunga kahi door...
tumhaare jahan me bhi na rahunga..
bus jate jate aakhri baar..
tumse ik baat kahunga..
.
.
tu kabhi na rahna udaas...
tumhara main sath dunga jroor...
main rahunga tere paas sada..
par tu na hona kabhi bhi door...