Hote agar pankh mere,
aaj aakash main udati maain,

ek daal se dusri daal par,
kabhi bhoron to kabhi,

rang birangi titliyon ke sang,
khule aasman main udati main,

ghonslon main baithe chidion ke,
nanhe bachchon se chup chup kar

aankh micholi khelti main,
satrangi indradhanush ko cheer kar,

paar kar jaati main,
suraj,chanda aur taaron ko,

apna dost banati main,
tej hawa ke jhokon se,

bahaut hiloren khaati main,
kabhi baadlon ke sang chupati,

to kabhi dhoop main saamne aa jaati main,
uchhe aakash par karti hui prikarma,

kash……kabhi mujhe dikh jaay meri “ MAA “
haath pakad kar uska,

DHARTI par le aati main
hote agar pankh mere,
aaj aakash main udati maain.